2017年4月19日 星期三

懶人基金

政府在4月1日推出懶人基金,打著低收費的旗號,總費用率上限0.95%,相比市場平均的1.57%為低,這也算是項德政,起碼可以迫使其他市場參與者減價,有強積金的朋友真的不要放錢在高費用基金,免得助長它們濫收費的歪風。

另一個角度看,退休金/年金的生意好難做,靠的是零點幾%的管理費收入,未來又要受減價困擾,利潤率收窄,難怪早前傳保誠出售退休金業務,搞一大餐也不夠賣一份保單或者理財產品賺得多。不要說退休金,極盡風光的共同基金也不見得好做,早幾日看新聞Vanguard管理的資產七年間從一萬億跳到上四萬億,越來越多人認清基金佬高收費、低兌現的荒謬,資金紛紛湧去指數基金,基金管理行業的成本相對固定,管理資產越多利潤率就越高,變相可以不斷的減管理費,將來共同基金一定會被迫得緊要,要在夾縫中求生存。

最後在選股上,能選友邦保誠就別選主打退休金的宏利,能揀盈富就不要揀惠理。

6 則留言:

  1. Vanguard多年來,應令不少active fund managers冇咗份工...

    回覆刪除
    回覆
    1. vanguard.ishares.spdr....係所有基金佬的眼中釘

      刪除
  2. 基金佬係抵死的,根本跑唔贏指數又要呃飯食,呃咗咁多年暴利乜都夠啦。
    政府強迫金明擺住搶市民錢養佢地,懶人基金只係唔俾佢地食咁多啫。

    回覆刪除
    回覆
    1. 0.95%其實都好貴,仍有下調空間,俾我自己掌控筆強積金我就買唒指數基金,慳水慳力

      刪除
    2. 的確係,ETF內扣費低至0.1%,如果有得揀點會揀呢D基金。

      刪除
  3. 說得對!我是半個MPF销售行業中的受惠者。 從事強積金銷售的從業人員專業水平和產品知識水準低到令人吃驚,背後的基金經理收費及各類行政法律開支每天都蠶食基金價格。我本人選擇強積金只投資指數基金,及康健護理基金。後者當然是偏貴了, 但已是沒有選擇中,我認為最接近我投資理念的選擇了。

    回覆刪除